કાનુડો ખારો ઝેર લાગ્યો
કાનુડો ખારો ઝેર લાગ્યો
હા.રે.. સૈયર સખીઓ સંગાથ પાણીડાં સંચરી'તી,
એ તો બેડલું ચડાવવા ન આયો...
મધ મીઠો....
કાનુડો ખારો ઝેર લાગ્યો... કાનુડો કાળો નાગ લાગ્યો..
હાં.રે.. સૈયર સખીઓ સંગાથ રાસ રમતી'તી,
એ તો પૂનમનો ચાંદ થૈ ન આયો.
મધ મીઠો....
કાનુડો ખારો ઝેર લાગ્યો..
કાનુડો કાળો નાગ લાગ્યો..
હાં..રે... સૈયર સખીઓ સંગાથ નાવણિયા ન્હાતી'તી.
એ તો ચિર ચોરવાને ન આયો.
મધ મીઠો....
કાનુડો ખારો ઝેર લાગ્યો..
કાનુડો કાળો નાગ લાગ્યો...
હાં..રે.. સૈયર સખીઓ સંગાથ મહિંડાં વેચતી'તી.
એ તો મટકીને ફોડવા ન આયો.
મધ મીઠો....
કાનુડો ખારો ઝેર લાગ્યો..
કાનુડો કાળો નાગ લાગ્યો...
હાં..રે.. સૈયર સખીઓ સંગાથ વિષ ઘોળતી'તી.
એણે હળવેથી હાથ મારો જાલ્યો.
મધ મીઠો....
કાનુડો ખારો ઝેર લાગ્યો..
કાનુડો કાળો નાગ લાગ્યો...