કાગળ
કાગળ
1 min
423
શબ્દો રડી પડ્યાં ને કવિતા દુઃખી થઈ ગઈ,
વિચાર કેટલું દર્દ લખાયું હશે કાગળ ઉપર !
જેના નિર્દોષ હોવાની સાબિતી મંગાતી નથી,
ઈશ્વરની કેટલી કૃપા હશે દરેક બાળ ઉપર !
આ જગત હંમેશા કાંટા પાથરશે મારગમાં,
તું ચાલતો રહેજે, ના લપસતો ઢાળ ઉપર !
માણસોની લડાઈમાં નાહકની બદનામ થઈ,
તમે ગુસ્સો ના ઠાલવતા કદી ય ગાળ ઉપર !
શું થવાનું હતું, શું થયું, શું થશે, ખબર નથી,
એ બધું વિચારવાનું મેં છોડી દીધું કાળ ઉપર !