જૂઓ કેવો ઢીંચે છે
જૂઓ કેવો ઢીંચે છે
તું એને પીવે છે કે એ તને પીવે છે,
લાગે છે કે તું હજી ભ્રમમાં જીવે છે.
પહેલાં તો કહે છે કે આ તો મારો શોખ છે,
ટેવ પડ્યા પછી જૂઓ કેવો ઢીંચે છે.
અબુધ પ્રાણી પણ જેને સ્પર્શે નહીં,
આ માનવી વિવશ થઈને એને પીવે છે.
યાદવોનો નાશ થયો જેના કારણે,
એ જ કારણે પછી એ આંખો મીંચે છે.
ભૂંસાય કોઈનો ચાંદલો ને છીનવાય કોઈનું છત્ર,
વ્યસન કયાં સમજે છે કે એના લીધે છે.
આ ખોળિયું ધુમ્રથી જર્જરિત થયા પછી,
કયો એવો દરજી છે જે ફરીથી સીવે છે.