જુઓ મજાની મોસમ આવી

જુઓ મજાની મોસમ આવી,

આ રાજકારણની ચૂંટણી આવી,

નેતાઓ બધા વોટ માંગવા ને કાજે હવે આવશે

પ્રજા માટે મોટા વાયદાઓના ખજાના એ તો લાવશે.

જુઓ મજાની મોસમ આવી,.આ રાજકારણની ચૂંટણી આવી,

મફત આપીશું મકાન, કપડાં ને આપીશું મફત રોટી,

વાયદા આપી ફરી જશે, ભરમાર ઊભી કરશે એ ખોટી.

જુઓ મજાની મોસમ આવી, આ રાજકારણની ચૂંટણી આવી,

હાથ જોડશે, પગ પકડશે કંઈક કરશે કાલા વ્હાલા તમને.

કામ તમારા સઘળા થશે, બસ આ વખતે જીતાડી દો અમને,

જુઓ મજાની મોસમ આવી, આ રાજકારણની ચૂંટણી આવી,

પક્ષ હોય કે હોય વિપક્ષ, છે બધા આ એક ગોળાનું પાણી,

સારા બનશે તમારી સામે, કારણ અમની મેલી મુરાદ એમા છૂપાણી.

જુઓ મજાની મોસમ આવી, આ રાજકારણની ચૂંટણી આવી,

ઉમળકાભેર પ્રજા મત આપવાને દોડી જાશે,

તે દિ રૂડો ચૂંટણીનો અનેરો ઉત્સવ ઉજવાશે,

જુઓ મજાની મોસમ આવી, આ રાજકારણની ચૂંટણી આવી,

પરિણામ જે દિવસે આવશે ત્યારે અનોખા નાટક ભજવાશે,

ક્યાંક વાગશે ઢોલ નગારા, તો બીજી બાજુ માતમ રૂપી શાંતિ છવાશે,

જુઓ મજાની મોસમ આવી, આ રાજકારણની ચૂંટણી આવી,

વાયદાઓ બધા વિસરાઈ જાશે, કારણ ચૂંટણી હવે ગયા જીતી

પ્રજા બાપડી શું કરે ? નવાઈ નથી, આ કાયમની છે રીતી.

જુઓ મજાની મોસમ આવી, આ રાજકારણની ચૂંટણી આવી,

નેતાઓ બધા જીતીને ચાલ્યા જાશે એમને ઘેર,

તમે શું કામ રાખો છો અંદરો અંદર વેર,

જુઓ મજાની મોસમ આવી, આ રાજકારણની ચૂંટણી આવી,

“રા.મ.” કહે નથી આ ચૂંટણી, આ તો કાળમુખીને જીવ લેનારી,

કંઈક સબંધો હોમાઈ ગયા ને કંઈકની થઈ ગઈ બલિહારી.

જુઓ મજાની મોસમ આવી, આ રાજકારણની ચૂંટણી આવી.