જો તમે આવશો જીવનમાં

જો તમે આવશો તો આંગણે વસંત નવા રંગો ભરી જશે,

આ નટખટ સમીર પણ ફૂલોની પથારી કરી જશે,

તારું સ્મિતભર્યું મલકાતું મુખડું જોઈને,

આ હૈયું પણ ધબકવાનું કામ આદરી દેશે,

તારું આ મનમોહક રૂપ જોઈને જોને આ,

મેઘધનુષ્ય પણ નવા રંગો ભરી જશે,

તારું આ ચાંદ જેવું ચમકતું મુખડું જોઈ,

આ ચાંદ પણ નવો ઉજાસ ધરી જશે,

મળશે જીવનમાં મને જો તારો સંગાથ,

તો આ ભાગ્ય પણ મારા દુ:ખડા હરી જશે,

ઊગી જશે મારા જીવનમાં સુખનો સૂરજ,

આ કાળી ડીબાંગ રાત્રિ પણ હારી જશે.