જિંદગી
જિંદગી
1 min
198
સૂર્ય કેરા તો ઉદયથી જાગતી આ જિંદગી,
કેસરીયા રંગ લઈને ફાગતી આ જિંદગી,
કેટલો કલરવ સવારે, ગૂંજતો પંખે ચડી,
પાંખમાં આશા ભરીને, ઝાંકતી આ જિંદગી,
ભોર વેળા શોર સુંદર, તો જગાવે પ્રકૃતિ,
કાંધ પર જોમી યુવાની, ફાલતી આ જિંદગી,
તાપ તડકાને સહીને, શ્વાસ માળા ગૂંથતી,
ભૂત ભૂલી આશ સાથે, રાચતી આ જિંદગી,
કામનાઓનો ખડકલો, જિંદગીભર વેઠતાં,
શીત -ઉષ્ણી સંગ પવને, ચાલતી આ જિંદગી,
સૂર્ય કેરી અસ્ત વેળાને સલૂણી ઝંખતા,
સાંધ્ય વેળાના સગડથી, થાકતી આ જિંદગી,
સ્વાદ ખટ-મીઠાં ભરીને, જાતને સંભાળતાં,
તોર ને તોખાર મૂકી, થામતી આ જિંદગી.