ઈશ્વરનું અનન્ય સર્જન છું

તારા અનન્ય પ્રેમની બની હું તો દીવાની,

તારી મારી લૈલા મજનુ જેવી કહાની.

સાથ તારો આ ધરાને પણ જન્નત બનાવે,

મારા રોમે રોમમાં નીત નવો ઉમંગ લાવે.

તારું મુખડું જાણે કોઈ ચાંદનો ટુકડો!

બસ એજ તારા રૂહથી લાવે મને ઢૂંકડો.

તારી આંખો જોને જાણે તીર તલવાર !

જોને કરે ઘાયલ હૈયું, કરી મારા પર વાર.

તારા રતુમડા ગાલ જોઈ ગુલાબ શરમાઈ!

તું બોલે તો લાગે જાણે વાગે શહેનાઇ !

તારી બોલી જાણે વરસાદી બુંદોની સરગમ !

સાંભળી બોલી તારી દૂર ભાગે ઉદાસીને ગમ.

તું તો જાણે છે ઈશ્વરનું અનન્ય સર્જન!

તારા પર ન્યોછાવર કર્યું મે મારું તન મન.