ઈશ્ક
ઈશ્ક
એક મીઠા મીઠા ટહુકાની આશ છે ઈશ્ક,
જિંદગીભર એક અધૂરી પ્યાસ છે ઈશ્ક !
વચનોનાં મૃગજળ પાછળ હરણફાળ,
દોડમાં કદમ કદમ નવો રાસ છે ઈશ્ક !
અધૂરા અરમાનોના કાફલા ને આ તન્હાઈ,
હરપલ એક સંગાથની નવી આશ છે ઈશ્ક !
એકપલ એક નજર ને પછી એક તડપ,
પછી આજીવન આંખોની ભીનાશ છે ઈશ્ક !
સ્પંદન રૂહના હજી ધબકી રહ્યાં તારા માટે,
એક હાશની આશમાં કાયમ નિરાશ છે ઈશ્ક !
'પરમ' યકીન એક ઝળહળી રહ્યું આંખોમાં,
અંધારામાં ચમકતો 'પાગલ' ઉજાસ છે ઈશ્ક !