પછી બીજું શું જોઈએ
પછી બીજું શું જોઈએ
1 min
213
સાંજનું શાંત વાતાવરણ હોય,
હાથમાં તારો હાથ હોય,
સૂર્યની વિદાયથી,
રાતુંચોળ આકાશ હોય,
ક્ષિતિજે જાણે આ અંબર,
ધરાને ચુંબન કરતો હોય !
પંખીઓ કલરવ કરતા હોય,
આ પ્રકૃતિનું અદ્ભુત સૌંદર્ય હોય,
આ ઝાડ પર ઝૂકેલી વેલ હોય,
આ બળદના ઘૂઘરાનો મીઠો અવાજ હોય,
આ અજાનને, આરતીના સૂર હોય,
આ સુંદર દરિયા કિનારો હોય,
ઠરેલ ગૃહિણી જેવી શાંત લહેરો હોય,
બસ હાથમાં તારો હાથ હોય,
સુંદર મજાની સાંજ હોય,
પછી બીજું જોઈએ શું ?