લાઈબ્રેરી
પ્રોફાઈલ
તું આવીશ
તું આવીશ
1 min
162
વરસાદ આવશેની આગાહી તો મળે છે
પણ તું આવીશ
એની આગાહી જો મળે તો...
તો બચેલી જિંદગીમાં
થોડા પ્રેમના બીજ વાવી લઉં !
મુઠ્ઠીમાં વરસાદ ભરી કવિતા રચી લઉં..!
ડૂબતા શ્વાસોનો પીછો કરી લઉં..
‘તું આવે છે’ની આગાહી મળે તો..
હસ્તરેખામાં ફરીવાર તારું નામ કોતરી લઉં..
અનાયાસ ખરી પડતા આંસુઓને ઝીલી લઉં..
ચીમળાયેલા સમયને ખંખેરી તાજો કરી લઉં..
પણ ‘તું આવીશ’
એવી આગાહી મળશે ક્યાંયથી ?
