ઈચ્છાસીડી

એક દિ' એવી થઈ ઈચ્છા લાવને,

સીડી મૂકું ને આંબી જાઉં આભને !

દઈ દઉં સૂરજને એક હાથતાળી,

આપી દઉં ચાંદાને એક ઝપ્પી !

મારી લઉં વાદળને એક ટપલી ! 

જેમજેમ ઉપર ચઢું સીડી પડે ટૂંકી !

બે પગથિયા ચઢું, સીડી પડે નાની !

જીંદગીમાં પણ સીડી એવી મળી !

મને થયું હું બની જાઉં કરોડપતિ,

થયું કે લાવું રમત-ગમતનાં મેડલ, 

બની જાઉં કોઈ નેતા અભિનેતા !

પણ મહેનતની સીડી પડે નાની !

આખરે સમજાયું બધું જ ઈચ્છવાથી,

બધું જ તો ન મળે પણ રાખું એક જ,

ધ્યેય, એક જ ઈચ્છા ,અને વિશ્વાસ,

શ્રમની સીડી જરુર પહોંચાડશે ઉપર,

આંબી જઈશ આભને દઈ એક તાળી !