દેવદૂત સેના
દેવદૂત સેના


હું ગઈ હતી કોરોના સામે જંગમાં,
લઈને મારા કૃષ્ણજીને સાથે જ !
હોસ્પિટલમાં છેલ્લા શ્વાસ હતા મારા,
આવી ગયા દેવદૂત સેનાની ત્યાં !
પહેલા તો કેસ મારો નોંધ્યો એક ડોક્ટરે
વોર્ડમાં જુએ મને રોજ નવી નવી નર્સ !
નિત નવા વોર્ડબોય સેવામાં હાજર !
રોજ નવા ડોક્ટર ને હું જોઉં આઈ પેડમાં !
લેડી ડોક્ટર આવે જુએ ટી .પી. આર રોજ !
ટેકનીશ્યનો લોહીનાં રિપોર્ટ કાઢે રોજ !
સીટીસ્કેન ને એક્સરેનાં મશીન લગાવ્યા !
ઈંજેક્શન ને દવાઓનો મારો ચલાવ્યો !
કોરોના હવે ગભરાયો ઊંધો ચાલ્યો,
ઓક્સિજનનાં સીલીન્ડર લાગ્યા !
એક સર્જન ડોક્ટરે વેઈન સર્જરી કરી,
છેવટમાં પ્લાઝમાનાં બાટલા ચડાવ્યા !
જાનની પરવા વગર દેવદૂત સેનાની આવ્યા
જંગમાં જીતી ને કોરોનાને ભગાવ્યો !
મને ને મારા જેવા લાખો લોકોને બચાવ્યા,
એ સૌને મારા શત શત પ્રણામ લાખો સલામ !