જન્મદિન ઉજવણી

આવો આવો અમારી જન્મદિન ઉજવણીમાં !

આજ મારી બેની થાય છે પાંચ વર્ષની પૂરી !

તોરણોથી સજાવી, મેં રાખી છે ગાર્ડન પાર્ટી !

વૃક્ષો પર રમકડાં, અજનબી ચીજો છે ટીંગાડી !

ટેબલ પર સુંદર પાથરણું લાલ ઝાલરવાળું !

કપકેક ને શરબતનાં ભરી મૂક્યા છે ગ્લાસ !

કેક મૂકી વચમાં, પાંચ કેન્ડલથી છે સજાવી !

આવ્યા છે મિત્રો, વિવિધ ભેટસૌગાદને લઈ !

પહેરી છે સૌએ રંગબેરંગી ટોપીઓ ને, મેં

પહેર્યા છે ચશ્મા ને પાર્ટીપોપર છે હાથમાં !

ચાલો ચાલો કેક કાપવાનો થઈ ગયો છે સમય,

ઉત્સાહ ઉમંગથી સૌ કાઉન્ટડાઉન કરીએ શરૂ.

બોલો સૌ જન્મદિન મુબારક હો મુબારક હો !

કેક ખાઓ ખવડાવો ને ભેટની કરો આપ-લે !

મારી બેની ખૂબ હસે, ખૂબ રમે ને ફરે આખી

દુનિયા ને રહે સદા સ્વસ્થ,સુખી આનંદમયી !