હું ને મારી કાલ્પનિક સફર

આમ તો પૃથ્વી ગ્રહ વસવાટ માટે છે યોગ્ય;

પરંતુ મારો કાલ્પનિક ગ્રહ છે તેનાથી પણ સુયોગ્ય.

મંગળ, ગુરુ, શુક્ર, શનિ બધા જ ગ્રહો છે નિશ્ચિત;

પરંતુ મારો કાલ્પનિક ગ્રહ છે તેનાથી પણ સુનિશ્ચિત.

મારા ગ્રહમાં હું રહું પરીની જેમ;

ઊડતી રહું ભૂરા ગગનમાં પંખીની જેમ.

ના કોઈની સાથે નફરત, રાગ-દ્વેષ ;

ના કોઈની સાથે મનદુઃખ, લડાઈ, કલેશ.

શાંતિ, અમન, પ્રેમની આ સુંદર સફર;

હું ને મારી આ કાલ્પનિક સુંદર સફર.

રામરાજ્ય, દૂધની નદીઓ, ઊંચા ઊંચા પહાડ, ને હર્યાભર્યા વૃક્ષો;

પર્યાવરણની સુરક્ષા, પ્રકૃતિની રક્ષા ને માનવ હિતના રક્ષકો.

ના પ્રદૂષણનું દુષણ, ના ભ્રષ્ટાચારનો ભરડો;

ના ઊંચનીચના ભેદભાવ, ના જાતિભેદના સંઘર્ષો.

હું મોટો તું નાનો એવી સમજથી પર

સૌનો સાથ સૌનો વિકાસ એ સમજથી તર.

ચાલો નવા ગ્રહની સફરે જઈએ;

જ્યાં જીવન છે સુંદર સૌમ્ય અનુશાસિત.

શાંતિ, અમન, પ્રેમની આ સુંદર સફર,

હું ને મારી આ કાલ્પનિક સુંદર સફર.