હોત'તો !

જો અયોધ્યા જેમ જંગલમાં દિવાળી હોત'તો !

દુનિયા આખી એક સરખાં શૂરવાળી હોત'તો !

દીપનો વ્યાપાર કરનારો જીવે કાળું જીવન,

જિંદગી એની તમે જો અજવાળી હોત'તો !

તે ફક્ત દીવા જ પેટાવ્યા કર્યા 'કૈલાશ' કિંતુ,

જાત તારી તે મહદઅંશે જો બાળી હોત'તો !

જો ઘસી હોતે સમયની ધાર પર તે જિંદગી,

નૂરથી વધુ જિંદગી તારી રૂપાળી હોત'તો !

રેંકડીમાંથી ખરીદ્યો હોત દીવો તે એનાં,

હાથમાં મીઠાઈવાળી એક થાળી હોત'તો !

ઝંખનાઓ ચાંદ તારાની કદી નાં થાત જો,

રોશની 'કૈલાશ' બંને અંદર કાળી હોત'તો !