એટલે શું ?

વારંવાર શ્વાસમાં થીગડું મારીને સીવવું એટલે શું,

કોઈ પૂછો મને તૂટેલાં દિલ સાથે જીવવું એટલે શું ?

ફૂલો ગુમાન નાં કરો તમે બીજાનાં મોહતાજ છો,

પૂછો બાવળને ગમે ત્યાં ઊગી નીકળવું એટલે શું ?

તેણે મઝધારમાં જઈને પણ છબછબિયાં જ કર્યા,

હું ખાબોચિયાં માંઈ તર્યો, મને પૂછ તરવું એટલે શું ?

દોસ્ત ! મેં કબરમાં જઈને પણ પડખું ફેરવ્યું હતું,

આવ સમજાવું મોતનાં મોમાંથી ઊગરવું એટલે શું ?

એકવાર તું પ્રણયમાં જતો આવ ખબર પડી જશે,

આગ વગર દિવસ રાત સતત સળગવું એટલે શું ?