હીંચકો

રાત દિવસ ઝૂર્યા કરે છે ઉદાસ એક હીંચકો

કોણ જાણે કોને ઝંખ્યા કરે છે આ હીંચકો ?

કોઈક યાદની ઠેસ વાગતી રહે છે સતત,

ને સ્મરણોનાં સ્પંદનોમાં ઝુલ્યા કરે છે હીંચકો,

એક જણ, જેની સાથે હરએક સાંજ વીતી,

એ જણને હર શખ્સમાં ખોળ્યા કરે હવે હીંચકો,

જેના સંગાથમાં સઘળું સુંવાળું સુંવાળુ હતું,

એના વગર કીચૂડ- કીચૂડ રડ્યા કરે છે હીંચકો,

આમ તો જનારા ક્યાં કદી પાછા આવ્યા છે,

કદાચ !! ની એક અટકળે જીવ્યા કરે છે હીંચકો.