હેતથી રે બાંધી

હેતથી રે બાંધી વીરા તને રાખડી

રાખડી બાંધી છે મહામૂલી

હેતથી રે બાંધી,

હીરના દોરે મેં તો ગૂંથેલી

ટાંક્યા છે સોના રુપા ઘૂઘરી રે

હેતથી રે બાંધી,

તિલક કર્યું છે મેં તો તારા ભાલે

રક્ષા કેરી દીધા મોટા આશિષ રે

હેતથી રે બાંધી,

શ્રાવણી પૂનમ આવી છે ઢુકડી

યાદ રે વીરા તારી મને સાંપડી

હેતથી રે બાંધી,

ભાઈ રે બહેનની જોડી અમૂલી

વ્હાલના તાંતણે રે એ બંધાણી

હેતથી રે બાંધી,

રક્ષા બાંધી છે મેં તો હોંશથી

આવજે વીરા બહેનીના આંગણે રે

હેતથી રે બાંધી.