હેતની ભરતી

હૈયાના સમંદરે એના હેતની ભરતી આવી છે,

જાણે ! લાખો ખુશીઓ એ તાણીને લાવી છે.

મનના મહાસાગરમાંથી ખુશીઓના મોતી મળ્યાં,

એને સંગાથે જીવન જીવવાના જાણે સપના ફળ્યા !

એના હેતની હેલી લાવી મારા જીવનમાં બહાર,

જાણે ! એ જીવનમાં ખુશીઓ લાવી અપાર.

મનનું આંગણ એના આગમને જાણે મહેકી ગયું !

જાણે! મનનું પંખી ખુશીઓથી ચહેકી ઉઠ્યું.

એના આગમને મનનું આકાશ જાણે રંગોથી રંગાઈ ગયું,

જોને એના જ હરખમાં મારાથી પ્રેમગીત લખાઈ ગયું.

સદીઓથી જેનો ઇન્તેઝાર હતો એ પ્રિયતમ મુજને મળી ગયા,

જાણે! સરિતા ભળે સાગરમાં એમ એ મારામાં ભળી ગયા.

જીવનમાં હેતની હેલી એતો વરસાવી ગયા,

બસ હૈયે એની છબી એ કોતરી ગયા.