હાલને સખી ગામડે
હાલને સખી ગામડે
હાલને સખી ગામડે જઈએ,
ખળ ખળ કરતા ઝરણા માં નહાવા જઈએ,
હાલને સખી ગામડે જઈએ,
આ આંબે ગાતી કોયલ ને ડુંગર પર નાચતા મોરના ટહુકાને માણવા ગામડે જઈએ,
આ લીલા તાજા શાકભાજી ને,
આ તાજા દહી છાશનો સ્વાદ લેવા ગામડે જઈએ,
આ ભાત લઈ ને જાતી આ સ્ત્રીના કંગનના રણકાર અને પાયલના ઝણકાર ને સાંભળવા ગામડે જઈએ,
આ કાઢી ખીચડી ને ઓળા,
ચૂલા પરના રોટલાનો મીઠો સ્વાદ લેવા ગામડે જઈએ,
આ સવાર સવારના ભજન આરતી,
અને આ બળદના ઘૂઘરાના મધુર અવાજને સાંભળવા ગામડે જઈએ,
આ સાંજની આરતી ને અજાન,
આ ઇદ ને દિવાળી મનાવે સૌ સાથે મળી,
હાલ આ માનવતાની મહેકને માણવા ગામડે જઈએ,
આ આંબો આમંત્રણ આપે,
આ કેસુડો ક્યારનો બોલાવે,
આ ખેતરનો મોલ બોલાવે,
આ વસંતનો વાયરો સંદેશ મોકલે,
હાલને સખી ગામડે જઈએ,
આ મોબાઈલની માયા મૂકી,
શહેરનો મોહ મૂકી,
હાલને ગામડે જઈએ.