Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

Gopal Dhakan

Tragedy


3  

Gopal Dhakan

Tragedy


ગરીબ સ્ત્રીનું ગીત

ગરીબ સ્ત્રીનું ગીત

1 min 410 1 min 410


તાંતણા એક એક જોડે તે રોજ રોજ તાંતણા તેર તેર તૂટે.

ગરીબડી બાય એક જીવતર કાપવા ઠામડાં ઘેર ઘેર ઉટકે.


નફ્ફટ નાનીયો એનો ધણી રોજ લથબથતો ઘેર આવે,

ઉડાવે પૈસો એ બાયની કમાણીનો દારૂ 'ને દસ દસ માવે.

ઉઝરડાંને અંગ પર ઢાંકે છે થિંગડા મનમાં ઉઝરડાઓ ખૂંતે.

ગરીબડી બાય એક જીવતર કાપવા ઠામડાં ઘેર ઘેર ઉટકે.


ચાર ચાર દીકરી 'ને નાનો છે દીકરો 'ને રે'વાનું રોડને કાંઠે.

નાની શી થેલીમાં આવતું અનાજ એ કેમ કરી ભૂખને ગાંઠે ?

પેટ ભરે રોટલાના ચોંથિયા ભાગે 'ને બાકીનું પાણીના ઘૂંટડે.

ગરીબડી બાય એક જીવતર કાપવા ઠામડાં ઘેર ઘેર ઉટકે.


પેનીમાં ચીરા 'ને હાથે કરચલી ; શ્યામ વરણ થયો આખો.

હૈડાની વેદનાને રોકી બેઠો છે એની પાંખી પાંપણનો ઝાંપો.

નાના છોરૂડાંની આંખમાં લાગતું ઉગશે સૂરજ ઝૂંપડે.

ગરીબડી બાય એક જીવતર કાપવા ઠામડાં ઘેર ઘેર ઉટકે.


Rate this content
Log in

More gujarati poem from Gopal Dhakan

Similar gujarati poem from Tragedy