ગઝલ ગાયા કરૂં છુ

તારા નયનના આયનામાં તસ્વીર મારી જ છે,

તે જેમ મને કહે છે તે હું મારી કલમથી લખું છું.

તારા અધરોમાંથી સરકતા શબ્દો મારા જ છે,

તે જેમ વહે છે તેમ હું ગઝલની રચના કરૂં છું.

તારા કોમળ દિલમાં હમેશા ધડકન મારી જ છે,

તે જેમ કહે છે તેમ હું ગઝલનો તાલ મેળવું છું.

તારા વહેતા શ્ચાસમાં પ્રેમની સરગમ મારી જ છે, 

તે જેમ રેલાય છે તેમ હું ગઝલનું સ્વરાંકન કરૂં છું.

તારા રોમે રોમમાં લહેરાતો પ્રેમનો રાગ મારો છે,

"મુરલી" તે જ રાગમાં તારી ગઝલ હું ગાયા કરૂં છું.

રચના-ધનજીભાઈ ગઢીયા"મુરલી" (જુનાગઢ)