ગઝલ-અડકી જવામાં

વાર કંઇ થાતી નથી એની છબીને ભેટવામાં.

પણ, ઘણું મથવું પડે છે હાથને છુટા થવામાં !

કાચ-સમ નાજુક છે ને ભીતરે દરિયો રહે છે.

તું જરા વિચાર કરજે આ હ્રદયને તોડવામાં.

છે ગુલાબી રૂપ જેનું લખ અનુભવ એ વિશેનો.

ટરવાં દાઝી જવાનાં એમને અડકી જવામાં !

શ્વાસને તો જાળવ્યા છે જીવ દઇને આયખામાં.

ધમપછાડા કાં કરે છે આજ અમને છોડવામાં ?

'દર્દ' સળગાવો ભલે સંભારણાંનો ગંજ દિલમાં.

આ જગત આવી જવાનું હાથ લઇને તાપવામાં.