એક પળનો સાથ
એક પળનો સાથ
જીવવા ઇચ્છું હવે ક્ષણિક આનંદમાં,
તું મળે મને તો તરવું છે હવામાં,
શ્વાસ બનીને વહેવું છે તુજમાં,
બાહોમાં તને રાખી ઝુમવું છે ગગનમાં,
નયનો ઢાળી શરમાવું આ પળોમાં,
ફૂલોનો શણગાર ઉતારૂં રાતની પળમાં,
સંધ્યાની જેમ સમાવું મુજને ક્ષિતિજમાં,
ડૂબી જાય મદહોશ કરી મને એ શરમમાં,
ને તોય ન ઢળે એ મારી લાગણીમાં,
હું રડ્યા કરું રોજ એની યાદોમાં,
બસ એથી જ હું જીવું છું આ એકલતામાં,
એ બસ ખુશ રહે સદાય એનાં જીવનમાં.