એક બહેન જ હોય છે

એ બહેન હોય છે.

એ બહેન હોય છે.

દુઃખમાં સુખ આપે ને સુખમાં હસી,

એ એક બહેન જ હોય છે,

નાની નાની વાતોમાં ઝઘડો કરનારી,

અને એ જ ઝઘડામાં " તને ક્યારેય નહી બોલાવું "

એમ કહેનારી એ એક બહેન જ હોય છે,

ટીવી જોતી વખતે રીમોટ માટે ઝગડનારી,

મેચ ચાલુ હોય ત્યારે સીરીયલ કર એવું કહેનારી,

ના પાડતા ગુસ્સાથી મોઢું લાલ કરનારી,

એ એક બહેન જ હોય છે.

સવારે પથારીમાંથી મારૂ ગોદડું ખેંચનારી,

વારંવાર મને ઊઠ ઊઠ કહેનારી,

ના ઊઠતા ગુસ્સામાં રૂમનો દરવાજો બંધ કરનારી,

અને જ્યારે ઊઠવું હોય ત્યારે ઊઠજે એમ કહેનારી,

એ એક બહેન જ હોય છે.

વાતવાતમાં નારાજ થનારી,

વગર વાંકે મને ખીજનારી,

કંઈક જોઈતી વસ્તુ માટે મસ્કા મારનારી,

એ એક બહેન જ હોય છે,

બાધી બાધી ને આઈસ્ક્રીમ ખાનારી,

હાલતા ચાલતા મનચુરીયન મંગાવનારી,

અને વાતે વાતે મને કંજૂસ કહેનારી,

એક બહેન જ હોય છે,

ગિફ્ટ આપે તો રાખડી બાંધીશ,

ચોકલેટ આપે તો રાખડી બાંધીશ,

જાતજાતના ઢોંગ કરી વસ્તુ લેનારી,

એ એક બહેન જ હોય છે,

બહેન ગમે તેટલી માથાભારે હોય,

ગમે તેટલી જિદ્દી હોય,

ગમે તેટલી તમને ખીજનારી હોય,

પણ સાચી ચિંતા કરનારી,

સાચુ ધ્યાન રાખનારી,

અને ખૂબ જ પ્રેમ કરનારી,

એ એક બહેન જ હોય છે.

જાણે પ્રેમની મુરત બેનડી,

હસતા મુખે આવે બેનડી,

ભાઈ પાછળ ઘેલી બેનડી,

ઠેસ બોલે ખમ્મા વીરને બેનડી.