એ તો

કલાક, મિનિટ અને, 

પળોથી કયાં, વિતાવાય છે ?

સમય, છે સાહેબ !

એ તો, અણમોલ યાદોથી વિતાવાય છે !

બસો ને છ હાડકાં અને, 

ચરબીથી કયાં, ચાલે છે ?

શરીર, છે સાહેબ !

એ તો, મગજથી ચાલે છે !

નજીકનાં સગાંઓ, અને 

વહાલાંઓથી કયાં, સચવાય છે ?

સંબંધ, છે સાહેબ !

એ તો, ઋણાનુબંધથી, સચવાય છે !

સીધા સરળ અને,

સહેલાં રસ્તાઓથી કયાં, મેળવાય છે ?

મંઝિલ, છે સાહેબ !

એ તો, મક્કમ મનોબળથી, મેળવાય છે !

ખોટા અહમ અને, 

જીદથી કયાં, ભસ્મ થાય છે ?

શરીર, મુઠ્ઠીભર રાખ છે સાહેબ !

એ તો, જોતજોતામાં ભસ્મ, થઈ જાય છે !

ખોટી આશાઓ અને,

આભાસી ભ્રમણાઓમાં કયાં, જીવાય છે ?

જિંદગી, એક સફર છે, સાહેબ !

એ તો, ચડાવ અને ઉતારથી જીવાય છે !

અનેક કાવાદાવા અને,

 પ્રપંચથી કયાં, રમાય છે ?

જિંદગી, એક ચેસની રમત છે સાહેબ !

એ તો, 'ચાહત'નાં પ્યાદાંથી ચેકમેટ થાય છે !