એ સીન મને બરાબર યાદ છે

એ સીન મને બરાબર યાદ છે.

તમે મને જોવા આવ્યા હતાં પહેલી વાર.

પિંક સલવાર પહેર્યો હતો મે,

ને બ્લ્યુ શર્ટમાં હતાંં તમે.

એ સીન મને બરાબર યાદ છે.

હાથમાં પાણીની ડિશ લઈને આવી હતી હું,

ને ફિલિંગ્સ મનમાં છૂપાવતી હતી હું

જોવા હતાંં તમને સરખા,

પણ એટલી મારામાં હિંમત ક્યાં હતી.

એ સીન મને બરાબર યાદ છે.

પપ્પા સાથે કરતાં હતાંં વાતો ત્યારે,

હું ચૂપચાપ વાતો સાંભળતી હતી.

કોઈ વાતમાં સૂર પૂરાવું હું તો,

તમે નીચું જોઈ હસી લેતાં હતાં.

એ સીન મને બરાબર યાદ છે.

પછી તમારે નીકળવાનું થયું,

ને મને જોવાનો ચાન્સ શોધતાં હતાંં,

મળી ગયો હતો મોકો તમને આખરે,

એ સીન મને બરાબર યાદ છે.

હું તમે નીકળ્યા અને ચેર હતી એ સ્થાને મૂકતી હતી.

તમે મને દૂરથી નિહાળી રહ્યાં હતાં એ વાતની મને પણ જાણ હતી,

મારી ચેર ગોઠવાઈ ગઈ હતી છતાં હું ફરીથી એ ગોઠવતી હતી,

એ વાતની તમને પણ થોડી થોડી જાણ હતી.