એ મેળાને નામ શું દેવું ?

એ મેળાને નામ શું દેવું ?

ગમતી બે આંખ મળ્યે મેળો ભરાય,

એ મેળાને નામ શું દેવું ?

ચંદરવો આભનો ?

પૂનમનું અજવાળું ?

કે મનડાનો માણીગર કે’વું ?

એ મેળાને નામ શું દેવું ?

રોમેરોમ ટહુકાઓ છુટ્ટા મૂકેલા ને ગહેકાતાં મનના સીમાડા,

આંખોથી વાદળીયું ઠલવાતી હોય અને હોઠે હોય મોહકની માળા,

એક-એક પલકારે સાંજ ને સવાર ફરે, ત્યાં વળી કેમ કરી રે’વું ?

એ મેળાને નામ શું દેવું ?

ઊંચકાતી નજરોની તૈડોમાં છલકાતું દરિયો ભરીને વ્હાલ મીઠું,

કરડાતા ચહેરાની પાતળી રેખાઓમાં લાગણીનું ફૂલ મેં દીઠું,

વાયુના વહેણમાં વાંસળીના સૂર ભરે વ્હાલમનું રજવાડું એવું, એ મેળાને નામ શું દેવું ?

સારસીના ટહુકાઓ થઈ હું વેરાઉં, જોતાં જ મુજને એ થાતું, ડગલું એ માંડે અને અહીં હું છેડાઉં,

વિયોગી પૂર અથડાતું, સાથે આ પાવામાં ફૂંક બે મારો ને ગુંજે કલગીત તો કેવું ?

એ મેળાને નામ શું દેવું ?