દિલનાં તાર

ઊંચી અટારીએ આભેથી વરસી પડ્યાં એવાં, 

જાણે ખોવાયેલ વલવલતાં તડકાનાં પડછાયામાં, 

ચમકતી વીજળીનાં તાર બધાં સંધાય છે આ જગમાં, 

ધાર બની મેહુલાની રચાય છે સરોવર આ જગમાં,

ટપક ટપક ટીપેથી ટપકે છે મોતીડાની સેર આંખડીમાં, 

નેવેથી ટપકીને દિલમાં સમાય છે આ વરસાદમાં, 

પિયા મિલનની આશ બધી આ મનનાં આવરણમાં, 

કોકિલ ને મોરનાં ટહુકાં ગુંજે છે મારાં દિલનાં ભીતરમાં, 

તારી ને મારી પ્રેમની વાતો રસીલી ચર્ચાય છે આ જગમાં, 

વરસીને તું આવ તો "સખી" પધારજે મારાં મનમંદિરમાં.