દીકરો

દુનિયા સામે રામ બનીને બેઠેલો અને

ઘરમાં રાવણ બનીને બેઠેલો

દીકરો મેં જોયો છે,

સમાજમાં લાખોનું દાન કરતો અને

ઘરમાં મા બહેનને રોટલી માટે હેરાન કરતો

દીકરો મેં જોયો છે,

સાસરો બિમાર પડે તો ખડે પગે સેવા કરે અને

બાપ મરણપથારીએ હોય તો હાથ પણ નહીં લગાડતો

દીકરો મેં જોયો છે,

સાસુની આગળ પાછળ ફરે મા મા કરે અને

ખુદની મા દીકરા દીકરા કરી બૂમ પાડે તો જુએ પણ નહીં

એવો દીકરો મેં જોયો છે,

જે બહેનનો ભાઈ ના હોય એનો ભાઈ બનતો

અને ખુદની બહેનની અવગણના કરી હડધૂત કરતો

દીકરો મેં જોયો છે.