ધન્ય ! ઓ વિવેકાનંદ
ધન્ય ! ઓ વિવેકાનંદ
ભલી ભોમકા નગરી કલકત્તા
ચરણે ઝૂકે નરેન્દ્ર દુલારો
પરમહંસ શ્રીરામકૃષ્ણ હરખે
પાવન ગંગાસાગર કિનારો
ગા ભજન તું ભાવ ધરીને
માપું અંતરના ઊંડાણો
પરખ્યો યોગી આતમરામને
મળ્યો પૂણ્ય ભૂમિ રખવાળો
રિધ્ધિ -સિધ્ધિ સીંચે મા કાલિ
પામ્યો પ્રકાશ પલભરમાં
લઈ કમંડલ હાલ્યો વેદાન્તી
સાક્ષાત્કાર રમે અંતરમાં
ત્રણ સાગર સંગમના દર્શન
ધ્યાન ધરે વિવેકાનંદ
સંકલ્પ કીધો સાગર ખેડવા
હાલ્યા ધર્મ પરિષદ
જ્ઞાન ભંડારી સંત સાક્ષાત્કારી
ઉન્નત મનનો આનંદ
ફરક્યો વાવટો યશ દે શિકાગો
ધન્ય! ઓ વિવેકાનંદ