ધન્ય ! નારી તું નારાયણી

ધૈર્ય - શૌર્યની તું ધરી નારી શાણી, જીવન રથની છે ભલી જ કહાણી

‘મહિલા દિન’ રટે જગ ઉત્કર્ષ કહાણી, ધન્ય ! નારી તું નારાયણી,

ખૂબ દુભાવી તને ગત સંસારે, છાયી સ્વશક્તિએ રે હર દ્વારે,

પરિશ્રમે અડગ અભિયાન તવ કહાણી, ધન્ય ! નારી તું નારાયણી,

ના જ બાપડી, ગાય- મૃગલી, તુ્ં લડે સવાઈ ઝાંસી નવલી,

સંગીત નૃત્ય કલા કહે સંઘર્ષ કહાણી, ધન્ય ! નારી તું નારાયણી,

 

સ્નેહ કુનેહ કરુણાની કૃતિ, ખંત જોમ ત્યાગની શ્રી મૂર્તિ,

નારી શક્તિ સન્માન ગૌરવ કહાણી, ધન્ય ! નારી તું નારાયણી,

ખેલ; ખેત સૈન્ય વિજ્ઞાન ઉત્કર્ષ કહાણી, નારી હૃદય મીઠડું ગાણું જગ કલ્યાણી,

ધન્ય જગ ! નારી તું નારાયણી, રટશું નિત્ય ગૌરવ કહાણી.