સંબંધોનું સમીકરણ
સંબંધોનું સમીકરણ
1 min
377
ઉતરવું પડે છે ઊંડાણમાં,
આમ કિનારે મોતી નથી મળતાં,
હુનરની આ હોંશિયારીમાં,
બધા મરજીવા નથી હોતા,
સરી ગયેલા શબ્દોના,
સરવાળા રોજ થયા કરે,
લાગણીઓના પાને કોઈ,
ભાગાકાર નથી હોતા,
કરવા પડે છે જતન,
જીવથી ય ઝાઝા,
એમ જ કંઈ સંબંધ,
હૂંફાળા નથી હોતા,
વહેવારથી સચવાય છે,
સંબંધો અહીં સ્નેહનાં,
નિખાલસતાનાં નશામાં
સૌ કોઈ ડૂબેલા નથી હોતા,
વિપત પડે ત્યારે,
વરતાય એ વ્હાલા,
અમારા કહેનાર બધા
આપણા નથી હોતા.