અર્ધવિરામ

હાંફી રહેલ લાગણીઓ ને થોડોક શ્વાસ આપી દે,
ખુબ દોડ્યા પામવા હવે બીજાને ખો આપી દે.

બંધ બાજી રમી રહ્યા છે સૌ કોઇ અહીંયા,
બહુ ચાલી રમત હવે તું જ ખોલ આપી દે.

વાત હતી બસ કદમ મિલાવીને ચાલવાની,
જેણે અધવચ્ચે રસ્તાઓ બદલ્યા
એને તું જ હવે રસ્તો માપી દે.

ઠરી કોશિશો નઠારી બધી એ તણખલા બુઝાવવાની,
ધૂંધવાયેલા ધુમાડા ને હવે તું જ આગ ચાંપી દે.

સજાવ્યા હતાં કંઇક સંબંધો જિંદગી ના એ દરેક પાને,
વિખરાય ગયેલ વાર્તા ને હવે તું જ વિરામ આપી દે.

લખ્યા લેખ લલાટે મટે ન માનવ મેખ થકી,
સુખ શોધ્યું જડે નહિ એ વાત હૃદયે ચાંપી દે,
ખુબ દોડ્યા પામવા હવે બીજાને ખો આપી દે.