જાળવજો પ્રેમથી
જાળવજો પ્રેમથી
જિંદગી ઈશ્વરનો ઉપકાર, જાળવજો પ્રેમથી,
ના મળતી એ વારંવાર, જાળવજો પ્રેમથી,
પોતાના જાણીને આપી છે માનવજાતને,
પુણ્યોનો કરી વિચાર, જાળવજો પ્રેમથી,
ના કોઈનું બૂરું તમે મનથીય વિચારજો,
પરહિતના રાખો આચાર, જાળવજો પ્રેમથી,
ફરીફરી ના માનવદેહ રે મળતો,
હરિ સાથે થાઓ એકાકાર, જાળવજો પ્રેમથી,
અવગુણ તમારા હરિ સન્મુખ સ્વીકારજો,
કરજો પાપ તણો એકરાર, જાળવજો પ્રેમથી,
કોરા કાગળ જેવી જિંદગી આપી છે,
સફળ કરજો માનવ અવતાર, જાળવજો પ્રેમથી.