રાખડી બાંધવા આવજે

સાથે રમતાં, ઘડિયું ગણતાં,

મોટા થવાની મોજમાં;

હો... બેનડી, રાખડી બાંધવાને આવજે.

કુકા ને અઠીયો, મારે જીતવામાં,

નિત તું હારતી હોંશમાં;

હો... બેનડી, રાખડી બાંધવાને આવજે.

ભાવતાં ભોજન, મારે કાજ બનતાં,

ખાતી એ રોજે લ્હેરમાં;

હો... બેનડી, રાખડી બાંધવાને આવજે.

ઘરનાં લાડમાં, મારે રે'વાનું રોજ,

કામ કરે એ ઘરમાં;

હો... બેનડી, રાખડી બાંધવાને આવજે.

કાલે ગમતું,મને ઘણું જે,

આજ એકલતાની યાદમાં;

હો... બેનડી, રાખડી બાંધવાને આવજે.