કોણ સર્જનહારો છે

રાત પછી એ દિવસ બનતો,

ચાંદ પછી એ સૂરજ બનતો

આ કોણ બદલાવનારો છે ?

આ કોણ સર્જનહારો છે?

કાળા, ધોળા વાદળ કરતો,

મેઘધનુષના રંગો ભરતો,

આ કોણ રંગ ભરનારો છે ?

આ કોણ સર્જનહારો છે ?

ઝાડ, પાન ને કાંટા બનતો,

ફળ, ફુલમાં સઘળે વસતો,

આ ક્યાં ક્યાં વસનારો છે ?

આ કોણ સર્જનહારો છે ?

નદી, તળાવ ને સાગર બનતો,

એમાં એ પાણીડાં ભરતો,

આતે કેવો પાણિયારો છે ?

આ કોણ સર્જનહારો છે ?

શિયાળે ઠંડી થઇ પડતો,

ઉનાળે એ તાપ બનતો,

ચોમાસે તારણહારો છે,

આ કોણ સર્જનહારો છે ?

માણસ એને ગોતવા ને મથતો,

ક્યાં ગોતે ? જડે નહી રસ્તો,

એ નિરંજન નિરાકારો છે,

આ કોણ સર્જનહારો છે ?