જીવવાનું છે

સમાજમાં દાખલારૂપ બનીને જીવવાનું છે.

આપણે આપણાં આચરણથી કહેવાનું છે.

ઉપદેશની ભાષા બધાને ગળે ન પણ ઊતરે,

જીવનમાં વર્તન દ્વારા કૈંક સમજાવવાનું છે.

લોકો કેવળ શબ્દોથી જ નથી અંજાવાના,

આપણાં પગલાં દ્વારા બદલાવ લાવવાનું છે.

ભાષણે શૂરા તો પોથીમાનાં રીંગણાં જેવા,

વિચાર, વાણીને વર્તને ઐક્ય સ્થાપવાનું છે.

સત્ય હંમેશાં જીવનગંગામાંથી જ સાંપડતું,

જીવીને કોઈ માટે ઉદાહરણરૂપ થવાનું છે.