ધારું હું કેટલું

ધારવામાં ધારું પણ ધારું હું કેટલું,

મારા શ્વાસોમાં શ્વાસ હોય એટલું.

રોજ રોજ સજવાના સોળે શણગાર,

એને ભાવે એ ચાખી લે જેટલું.

જાત આખી બદલીને જાતે ઉતારવું,

પ્હેરેલા વાઘાનું રોજ પોલકું.

કાઠુ પડે છે જ્યારે એ બનું હું,

ને યાદોનું ઉકેલવું પડે પોટલું.

રોજ રોજ ગાઠ એની ખોલીને એકલું,

રોજ રોજ ભાવે એની યાદોથી બોલવું.

કાઠું એ કામ રોજ કરવું તે કરવું,

પણ કરવું તે કરવું મારે કેટલું.

યાદે કરું ને પાછી ગાળોયે દઉં,

હું તો જાતે બોલુંને જાતે સાભળું.

નામ એના લઈને કામ બધાં થાય,

પણ મથુ તે મથું હું તો કેટલું.

એકલતા એકલી ભીતર દળાયને,

રોજ દળણું કરું તે કરું કેટલું.