ઈદ મુબારક

સૌને મારી ઈદ મુબારક,

અંતરથી પણ વ્હાલ મુબારક,

જીવન આખું મઘમઘ રાખે,

એવા ફાલે ફાલ મુબારક,

આંગણ ઝંખે કિલકારીને,

એ આંગણને લાલ મુબારક,

ડગલે પગલે જીવન રક્ષે,

દોસ્તીની એ ઢાલ મુબારક,

તડકો છાયો જોયો તો પણ,

લીલી રાખી ડાલ મુબારક,

વેઠે જે ખોટા બંધનને,

એને જાડી ખાલ મુબારક,

કરવત સઘળી તોડી નાખે,

એ વૃક્ષોની છાલ મુબારક,

જેને વિધિના શબ્દો બદલ્યા,

એને પાવન ભાલ મુબારક,

સૌને સૌની મંઝિલ આપે,

એવી સૌને ચાલ મુબારક.