દગો

પહેલાં દગો આપો છો, પછી પશ્ચાતાપ કરો છો,

હવે અહીં આવી મગરનાં આંસુઓ પાડી શું કરશો ?

કેટલીય વાર વિનવણીઓ તમને કર્યા કરી,

મારો કોઈ વાંક કે ગુનો નોંધી વે દેખાડી શું કરશો ?

તમારી મરજીનાં માલિક તમે, અમારી કોઈ હેસિયત નહીં,

મારી આગળ પાછળ ફર્યા કરી શું કરશો ?

વાતનું વતેસર કરતાં સારું આવડે છે તમને,

કોઈની મતલબ વગરની વાતો સાંભળી શું કરશો ?

બારી અને બારણાં હમેશાં ઉઘાડાં રાખ્યાં છે મેં,

તમારે આવવું જ ન હોય તો શું કરશો ?

મારાં દિલની કેટલીય લાગણીઓ ઘવાઈ ગઈ,

હવે ખોટા આશ્વાસનો આપી શું કરશો ?

"સખી" મારી આંખોમાં પૂર આવ્યું છે વગર ચોમાસે,

વગર કહ્યે રૂમાલ આપી હવે શું કરશો ?