દેજે !

રહું ગમતો અહીં સૌને, મને એવું નમન દેજે !

ને આવે મોત ત્યારે, બાદશાહી તું ગમન દેજે !

મને ખુશબૂ મળે કે ના મળે, તેની નથી ચિંતા,

જગે સૌને સુગંધી ફૂલનો રૂડો ચમન દેજે !

નથી કો' આવડત ગાવા તણી કે હું નથી જ્ઞાની,

છતાં ગાવું પડે તો રાગ ત્યારે તું યમન દેજે !

ભલેને જંગ મારા માંહ્યલામાં હોય ખેલાતો,

થવાનું હોય જે મારું, જગતને તું અમન દેજે !

ભરાતી હોય જો કડવાશ કો' પ્રત્યે મને 'સાગર',

બનીને રાખ આવે બા'ર એવું તો વમન દેજે !