ચૂંટણી
ચૂંટણી
આવી રે, આવી રે ....
આ ચૂંટણી આવી રે,
માસ્તર તો ઉપડ્યાં,
થેલાં ભરાવીને,
હે, આવી સરકારી બસ
આવી રે, આવી રે,
આ ચૂંટણી આવી રે,
ઉપડ્યાં અમે પાલનપુર,
આઇ ટી આઇ કોલેજમાં ઉતારા રે,
આવી રે, આવી રે.....
આ ચૂંટણી આવી રે,
જમ્યાં અમે ચણા ને દાળ-ભાત,
મેદાને લાબાં પડ્યાં અમે તો,
આવી રે આવી રે,
આ ચૂંટણી આવી રે,
તાલીમ લેશું ત્રણનાં ટકોરે,
પછી જમીને સૂઈ જાશું રે,
આવી રે, આવી રે,
આ ચૂંટણી આવી રે,
સવાર પડતાં તો સાહિત્ય લેશું,
પછી નિકળશું સ્થળ ઉપડ રે,
આવી રે, આવી રે,
આ મજાની ચૂંટણી રે,
થેલાં અમારાંને પેટીઓ ઉપાડી,
એવીએમ મશીન સાથે લેશું રે,
આવી રે, આવી રે,
આ મજાની ચૂંટણી રે,
સવારપડતાં તો મોકપોલ કરશું,
મતદાર યાદી લઈને બેસી રે જાશું,
આવી રે, આવી રે,
આ મજાની ચૂંટણી રે,
ઊંધા પડીને કામ અમે કરશું,
રાત આખી જાશે રે ચૂંટણીમાં,
આવી રે, આવી રે,
આ મજાની ચૂંટણી રે,
સરકારી બસમાં ઘરે અમે જાશું,
વાગ્યાં હશે સવારનાં ચાર રે,
આવી રે, આવી રે,
આ મજાની ચૂંટણી રે,
લોથપોથ થઈ અમે સૂઈ રે જાશું,
અમે નિભાવી ચૂંટણીની ફરજો રે,
આવી રે, આવી રે,
આ મજાની ચૂંટણી રે.