ચિરંજીવી
ચિરંજીવી
સિસકતા હૈયે એને સવાલ કર્યો,
હું એટલી અણગમતી થઈ ?
રહેતી દિલની નજીક હંમેશ,
કેમ અળગી થઈ ?
ઈતિહાસ ગવાહ છે,
ચલણ મારું જ હશે,
પણ કેમ નજરો તમારી ઉદાસ થઈ ?
ઓનલાઈન ફરતાં ટેરવાં ભલે હો
પણ અંતે 'વિલમાં' હું સામે જ હસતી હોઈશ,
હસ્તી મારી બહુ જૂની
પણ દસ્તખત વખતે હું તમારાં હસ્તમાં જ હોઈશ.
હું બાળપણની સખી, આજે ખિસ્સામાં ના હોઉં તો ટેબલ પર તમને નિરખતી જરૂર હોઈશ.
ડિજિટલી કોપી કરી કે લખ્યું ઘણું, પણ ટકશે ખરું ?
આજે પણ સંગ્રહાલયમાં છટા મા'રી,
શાહી રૂપે સહિયર મારી.
કમાલની કલા કારીગરી
હું તમારી કલમ દુલારી.
તમારી સફળતામાં હાથ મારો ભૂલ્યાં નથી ને ભાઈ ?