છૂટ

તને હું તો ભૂલી શકીશ નહિ, પણ તારા જડ સિદ્ધાંતો સામે મારે જ નમવું પડશે,

ફાવટ એમાં સારી છે તને, તો આ કામને અંજામ પણ તારે જ આપવું પડશે.

લે ચાલ તને છૂટ આપી, મારી બધી વાતને નકારવાની, જે આદત છે તારી,

હર પ્રયત્નમાં આહત થાઉં છું પણ હવે ચહેરેથી મારે તો, હસવું જ પડશે.

આ વાત હું તને કહીશ પણ નહીં, મારા મનમાં બસ ભરી રાખું છું,

ભલે નારાજ હોઉં, દુઃખી તને કદી ન કરું, એવું તો તારે પણ સ્વીકારવું પડશે.

કદાચ એવો વખત આવે કે હું કોશિશો જ બંધ કરી દઉં એ હિસાબે કે,

તારી એ મુશ્કેલી પણ ટળે 'નિપુર્ણ', કે સંબંધ છે સાચવવો જ પડશે.