છલકાય છે

વિશાળ પ્રેમનો સાગર હૈયામાં છલકાય છે,

દિલમાં ઉછળીને તરંગો બની લહેરાય છે,

વિશ્વાસની ગાંઠે બંધાયેલું છે સ્નેહબંધન,

અગ્નિની સાક્ષીએ વચન સાથમાં લેવાય છે,

કયારેક સુખ-દુઃખની પળો વીતી હશે તને,

એકલતાનો અહેસાસ દિન-રાત થાય છે,

તરસતી તારી આંખો, ભીંજાતી રહી પાંપણો,

હોઠ પર આવેલાં શબ્દો દિલમાં અટવાય છે,

ઉભરાતી લાગણીઓનું વહેણ વહ્યા કરે છે,

પ્રેમનું સ્નેહબંધન ભાવેશ દિલમાં પથરાય છે.