Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

kusum kundaria

Tragedy

4  

kusum kundaria

Tragedy

બેઠી છું

બેઠી છું

1 min
311


વર્ષોથી મૂંગો કોલાહલ હૈયે ધરબીને બેઠી છું,

પીડામાં છાને ખૂણે કાયમ હું કણસીને બેઠી છું,


ના બોલાયેલા શબ્દો ઘુંટાયા રાખે મનમાં એવા,

હોઠો પર રાખી છે પાબંદીને તડપીને બેઠી છું,


ના સમજે કોઈ મારી મૂંગી પીડાને ત્યારે હું જો,

નિરંતર બે હાથે મારું માથું પકડીને બેઠી છું,


નીચોવી શબ્દોને અર્થો સમજાવી દેવા છે મારે,

શબ્દોને યુગોથી એકલ પંડે જકડીને બેઠી છું,


સીતા, રાધા, અહલ્યા, પાંચાલી એકી સાથે બોલે છે,

આંખે ચોમાસું બારે માસ છતાં તરસીને બેઠી છું.


Rate this content
Log in