બે પળો

દરિયાની એ લહેરો વચ્ચે શું થઈ ગયું ?

જાણે કે મોતી જેવું સપનું મોજાંમાં તણાઈ ગયું !

ભેખડોની હારમાળા વચ્ચે શું થઈ ગયું ?

જાણે કે એ બાળકરૂપી મન ગબડાઈ ગયું !

બે પળોની વચ્ચે શું થઈ ગયું ?

જાણે કે કુમળું ફૂલ ચૂંથાઈ ગયું !

સર્જનહારના એ કુમળા સ્મિત વચ્ચે શું થઈ ગયું ?

જાણે કે ભીની ક્ષણોમાં રૂદન છલકાઈ ગયું !

લહેરાતી આ ડાળીઓની વચ્ચે શું થઈ ગયું ?

જાણે કે એ કુમળું ફૂલ કરમાઈ ગયું !

બે પળોની વચ્ચે શું શું થઈ ગયું ?

જાણે કે રાતોની એવી એક રાતમાં પ્રેમનું વિરુદ્ધ નામ નફરત મળી ગયું !