બચપણ પાછું આપી દો ને

હીરા મોતી ને ઝવેરાત લઈ લો,

આ કિંમતી બાળપણ પાછું આપી દો ને.

આ જીવનની કેડી છે કાંટાળી,

બચપનની ડગર પર ચાલવા દો ને.

આ જવાબદારીનુ બેગ કમર વાંકી વાળી નાખે,

આ સ્કૂલનું દફતર ફરી આપી દો ને.

આ મિત્રો ખોવાયા મારા દુનિયાની ભીડમાં,

ફરી આ સ્કુલી મિત્રો આપી દો ને.

મોલ ને રેસ્ટોરન્ટ કરતા મીઠો લાગે સ્કૂલનું લંચ,

ફરી આ લંચ બોક્સ આપી દો ને.

ટેન્શન નિરાશા હતાશાથી પાગલ બન્યો,

આ સ્કૂલી રમતો ફરી રમવા દો ને.

આ જિંદગીનાં ગણિતમાં હું કાચો પડ્યો,

ફરી એ શિક્ષકો ને મલાવી દો ને.

હીરા મોતી ઝવેરાત લઈ લો,

આ બચપણ પાછું આપી દો ને.