બાપુ

બાપુ બોલે એ જ સત્ય કે સત્ય બોલે એ જ બાપુ ?

મુજ એકલાના બાપુ, એક એકલા ચાલ્યા બાપુ.

બાપુ રોજ શોધે છાપુ ને હું શોધું છાપામાં બાપુ.

બાપુ પાસે નોટો ઘણી ને નોટમાંય પાછા બાપુ.

નામ બાપુનું ઘણું મોટું એનાથી પણ એ મોટા બાપુ

કીર્તિ જન્મી પૈસાથી બાપુની ને કીર્તિ મંદિરમાં બાપુ.

એક તો મારા પોતાના ને એક મારા રાષ્ટ્રના બાપુ.

મને બંને પરમ વ્હાલા, એ પછી બાપુ હોય કે બાપુ !

બાપુને આઝાદી વ્હાલી ને આઝાદીમાં ખપ્યા બાપુ !

આઝાદીનો મતલબ પૂછત, હાજર હોત જો બાપુ !